كنا في فصل الشتاء ..
وعارفين الشوارع تبقي كلها ميه وطين من المطره...وأنا دائما البس في الشتا جزمه هاف بوت
عشان بتدفي رجلي وعشان الهدوم تفضل نظيفه...
الشتا ده بالذات عايز اشتري جزمه جديده لاني رايح جاي في الشارع بشوف محل احذيه بيبيع
احذيه كلها اجنبي ..هي غاليه بس الصراحه رائعه من حيث الشكل والمتانه..
كنت قابض مكافأه حلوه قلت ياد بلاش بخل وهات الجزمه وفعلا رحت اشتريتها وفرحان أوي بها
تاني يوم لبستها مع شراب جديد طبعا ولبست بدله حلوه عليها ..ماهو مايصحش البس بنطلون
جينز علي الجزمه الحلوه دي ...يعني العمليه بأت علي سنجة عشره..
شُغلي أغلبه في الشارع من محل لمكتب لكشك ..تشكيله حلوه ..قعدت اشتغل اليوم ده حتي
آذان الظهر ...فطبعا لازم أصلي الظهر ..
دخلت الجامع وقلعت الجزمه وفيها الشراب طبعا وحطتهم في الجزامه داخل المسجد ورحت
أتوضأ...وبعد الصلاه كانت المفاجأه..
بصيت في الجزامه ملقتش الجزمه...لفيت علي الخمس جزامات داخل المسجد مش لاقيها ..
وبعديييييين
فين الجزمه؟ قعدت اروح واجي في المسجد أدور عليها مش لاقيها
المسجد تقريبا فضا وكل واحد خد جزمته ومشي ....
أثناء الحيره بتاعتي ووقفتي المزبهله دي جاني امام المسجد
...خير يابني فيه حاجه؟
...جزمه هاف بوت لسه جديده وكنت حاططها هنا في الجزامه مش لاقيها
...وحد يحط جزمته الجديده هنا برضه
...أمال يامولانا احطها فين؟ مش دي الاماكن المخصصه
...يابني خايف علي حاجه حطها ادامك وانت بتصلي
...يعني كده اتسرقت ؟ حتي في المسجد
...يابني اول مكان بيتسرق منه الجزم هي المساجد
...الحل ايه يامولانا؟
...عوضك علي الله روح خد قبقاب من الحمام
...قبقاب!!!!!!!!!!!!!
...للاسف مفيش الا القباقيب هنا ولو سمحت تبقي ترجّعه تاني
بصراحه كنت متضايق جدا جدا وهاين عليه اعيط....
رحت الحمام أبص علي القباقيب ...ياللهول كلها بالصلاه علي النبي مقاسات كبيره جدا ...دي
سلاح مش مركوب....أخدت اصغر قبقاب فيهم وخرجت من المسجد ..طبعا لابس البدله المتينه
الحلوه مع قبقاب
وطبعا الشراب مسروق هو كمان وكان شراب صوف جميل..
طبعا حسيت بالساقعه والبرد جامد وحاسس انني ماشي عريان...
حطيت رجلي في القبقاب لاقيتني ماجتش لربعه...آه والله ..قبقاب كبير جدا رغم اني منقيه
أصغر واحد فيهم ...رجلي كلها بلافخر تحت جلدة القبقاب بس
وورا رجلي ممكن
اتنين يركبوا معايا..
بيني وبين البيت شارع واحد بس ..يعني ماينفعش اركب ..فقلت الامر لله امشي الحته دي
وياساده تخيلوا بأه المنظر العام بتاعي وانا ماشي محترم بالبدله ولابس قبقاب عليها ...لا
راكب مش لابس قبقاب..
الشوارع كلها ميه وطينه من المطره وانا ماشي في نزاع مع الخطوات لان القبقاب بيلزق
في الارض وأطلعه بصعوبه ومع النزاع الاقي طينه جايه لي من ورا بتخبط في دماغي
رجلي كلها متكومه تحت جلدة القبقاب بس وصوابع رجلي متشعلقه علي طرف القبقاب
وطبعا مجهود خرافي في كل خطوه عشان ارفع باقي القبقاب اللي زي الميكروباص ده
ومع النزع يطلع الطين والميه معاه لقفايه
..
أخيرا بعد معاناه جباره وصلت للعماره
والبدله كلها بلافخر طينه وهباب..
أحنا في الدور الثالث بعد الارضي ..وأول ماحطيت رجلي علي السلم طلع صوت طرقعه
جامده ..موسيقي جباره وانا طالع السلم لدرجه الناس في أول دور خرجوا من الشقق
يشوفوا مين بيكسر السلم ده وعامل هيصه
الستات تحط ايدها علي بقها وتضحك علي المنظر ..لان فعلا المنظر يموت من الضحك
البدله بأت كروهات من الطينه ومنظر رجلي المتشعلق في القبقاب الغليط والضخم زائد
ياقه القميص وقفايه كلهم بلا فخر طين
وبعون الله تم الصعود الي الدور الثالث بعد المظاهره الجباره اللي عملتها لوحدي واللي
بسببها 8 شقق بستاتهم برجلاتهم وعيالهم طلعوا يتفرجوا عليه
وتوبه ..
الوقت لما اصلي احط الجزمه في أي مكان ادامي عشان الحراميه
وعارفين الشوارع تبقي كلها ميه وطين من المطره...وأنا دائما البس في الشتا جزمه هاف بوت
عشان بتدفي رجلي وعشان الهدوم تفضل نظيفه...
الشتا ده بالذات عايز اشتري جزمه جديده لاني رايح جاي في الشارع بشوف محل احذيه بيبيع
احذيه كلها اجنبي ..هي غاليه بس الصراحه رائعه من حيث الشكل والمتانه..
كنت قابض مكافأه حلوه قلت ياد بلاش بخل وهات الجزمه وفعلا رحت اشتريتها وفرحان أوي بها
تاني يوم لبستها مع شراب جديد طبعا ولبست بدله حلوه عليها ..ماهو مايصحش البس بنطلون
جينز علي الجزمه الحلوه دي ...يعني العمليه بأت علي سنجة عشره..
شُغلي أغلبه في الشارع من محل لمكتب لكشك ..تشكيله حلوه ..قعدت اشتغل اليوم ده حتي
آذان الظهر ...فطبعا لازم أصلي الظهر ..
دخلت الجامع وقلعت الجزمه وفيها الشراب طبعا وحطتهم في الجزامه داخل المسجد ورحت
أتوضأ...وبعد الصلاه كانت المفاجأه..
بصيت في الجزامه ملقتش الجزمه...لفيت علي الخمس جزامات داخل المسجد مش لاقيها ..
وبعديييييين
فين الجزمه؟ قعدت اروح واجي في المسجد أدور عليها مش لاقيهاالمسجد تقريبا فضا وكل واحد خد جزمته ومشي ....
أثناء الحيره بتاعتي ووقفتي المزبهله دي جاني امام المسجد
...خير يابني فيه حاجه؟
...جزمه هاف بوت لسه جديده وكنت حاططها هنا في الجزامه مش لاقيها
...وحد يحط جزمته الجديده هنا برضه
...أمال يامولانا احطها فين؟ مش دي الاماكن المخصصه
...يابني خايف علي حاجه حطها ادامك وانت بتصلي
...يعني كده اتسرقت ؟ حتي في المسجد
...يابني اول مكان بيتسرق منه الجزم هي المساجد
...الحل ايه يامولانا؟
...عوضك علي الله روح خد قبقاب من الحمام
...قبقاب!!!!!!!!!!!!!
...للاسف مفيش الا القباقيب هنا ولو سمحت تبقي ترجّعه تاني
بصراحه كنت متضايق جدا جدا وهاين عليه اعيط....
رحت الحمام أبص علي القباقيب ...ياللهول كلها بالصلاه علي النبي مقاسات كبيره جدا ...دي
سلاح مش مركوب....أخدت اصغر قبقاب فيهم وخرجت من المسجد ..طبعا لابس البدله المتينه
الحلوه مع قبقاب
وطبعا الشراب مسروق هو كمان وكان شراب صوف جميل..طبعا حسيت بالساقعه والبرد جامد وحاسس انني ماشي عريان...
حطيت رجلي في القبقاب لاقيتني ماجتش لربعه...آه والله ..قبقاب كبير جدا رغم اني منقيه
أصغر واحد فيهم ...رجلي كلها بلافخر تحت جلدة القبقاب بس
وورا رجلي ممكناتنين يركبوا معايا..
بيني وبين البيت شارع واحد بس ..يعني ماينفعش اركب ..فقلت الامر لله امشي الحته دي
وياساده تخيلوا بأه المنظر العام بتاعي وانا ماشي محترم بالبدله ولابس قبقاب عليها ...لا
راكب مش لابس قبقاب..
الشوارع كلها ميه وطينه من المطره وانا ماشي في نزاع مع الخطوات لان القبقاب بيلزق
في الارض وأطلعه بصعوبه ومع النزاع الاقي طينه جايه لي من ورا بتخبط في دماغي
رجلي كلها متكومه تحت جلدة القبقاب بس وصوابع رجلي متشعلقه علي طرف القبقاب
وطبعا مجهود خرافي في كل خطوه عشان ارفع باقي القبقاب اللي زي الميكروباص ده
ومع النزع يطلع الطين والميه معاه لقفايه
..أخيرا بعد معاناه جباره وصلت للعماره
والبدله كلها بلافخر طينه وهباب..أحنا في الدور الثالث بعد الارضي ..وأول ماحطيت رجلي علي السلم طلع صوت طرقعه
جامده ..موسيقي جباره وانا طالع السلم لدرجه الناس في أول دور خرجوا من الشقق
يشوفوا مين بيكسر السلم ده وعامل هيصه
الستات تحط ايدها علي بقها وتضحك علي المنظر ..لان فعلا المنظر يموت من الضحك
البدله بأت كروهات من الطينه ومنظر رجلي المتشعلق في القبقاب الغليط والضخم زائد
ياقه القميص وقفايه كلهم بلا فخر طين
وبعون الله تم الصعود الي الدور الثالث بعد المظاهره الجباره اللي عملتها لوحدي واللي
بسببها 8 شقق بستاتهم برجلاتهم وعيالهم طلعوا يتفرجوا عليه
وتوبه ..
الوقت لما اصلي احط الجزمه في أي مكان ادامي عشان الحراميه
ليست هناك تعليقات:
إرسال تعليق